Mahilig maglaro si Ronda Marami na siyang laruang nakolekta At dahil Biyernes na Bukas makakapaglaro na naman siya Gusto sana niyang laruin ang train set niya Bigay ito ni Mama nung birthday niya Kaya lang may isang problema Magulong nakatambak ito sa kuwarto nila “Ate Tanya, laro tayo bukas ha?” Ang sabi ni Ronda sa ate niya “Anong gusto mong laruin, Ronda?” Ang tanong sa kaniya ni Ate Tanya “Mmmm…piko tayo, puwede ba?” Ang tanong ni Ronda Inalis na niya sa isip niya Ang nakatambak na train set niya “Eh tagu-taguan, ayaw mo ba?” Tanong ng ate ni Ronda “Piko na lang, Ate Tanya” Sagot naman ni Ronda “Eh langit lupa, ayaw mo ba?” Tanong ulit kay Ronda “Hmmm…piko na lang kasi, Ate Tanya” Sagot ulit ni Ronda “Eh yung train set mo, ayaw mo ba?” Tanong ni Ate Tanya “Magulo pa eh, piko na lang, Ate Tanya” Sabi na naman ni Ronda “Oo naman, malakas ka sa’kin, Ronda!” Sagot ni Ate Tanya “Pero ngayon, tulugan na!” At pinatay ni Ate Tanya ang ilaw nila Papikit-pikit na si Ronda Binale-wala ang mga mungkahi ng ate niya Nagpipiko na siya sa isipan niya Hanggang sa siya’y nakatulog na Kinaumagahan, paggising ni Ronda Malakas ang buhos ng ulan sa bubong nila Naluluha na si Ronda Dahil di sila makakapagpiko ng ate niya “Wag kang mag-alala,” bulong ni Ate Tanya “Isip tayo ng ibang magagawa.” At yinakap niya si Ronda Habang kumikidlat sa labas ng bahay nila “Alam ko na!” sigaw ni Ate Tanya “Gawa tayo ng mga bangka!” Napakunot ng noo ang kapatid niya “Bangkang papel, Ronda!” “Hindi ako marunong, Ate Tanya” “Kaya’t tuturuan kita!” At dali-dali ang dalawa Na humanap ng papel sa kuwarto nila Iba’t ibang kulog ang madarama Pero saya lang ang nasa puso ng dalawa Magkakarerahan sila Gamit ang mga bangkang papel nila Papatila na ang ulan nang matapos sila “Ang ganda ng bangka ko, Ate Tanya” Masayang sigaw ni Ronda Ngumiti naman si Ate Tanya, “Sige, halika na!” Umalis na ang ulan pag labas nila Nang malakas na hangin ang bumulaga At tinangay ang mga bangka nila Kaya’t naluha na naman si Ronda “Wag kang mag-alala,” bulong ni Ate Tanya “Isip tayo ng ibang magagawa.” At yinakap niya si Ronda Habang humahangin sa labas ng bahay nila “Alam ko na!” sigaw ni Ate Tanya “Buto’t balat umilipad, Ronda!” Napakunot ng noo ang kapatid niya “Gawa tayo ng saranggola!” “Hindi ako marunong, Ate Tanya” “Kaya’t tuturuan kita!” At dali-dali ang dalawa Na humanap ng materyales sa kuwarto nila Iba’t ibang huni ng hangin ang dinig nila Pero saya lang ang nasa puso nila Magpapataasan ng lipad ang dalawa Gamit ang mga saranggola nila Tuyo na ang damuhan nang matapos sila “Ang ganda ng saranggola ko, Ate Tanya” Masayang sigaw ni Ronda Ngumiti naman si Ate Tanya, “Sige, halika na!” Umalis na pala ang hangin pag labas nila Unti-unting umambon sa paligid nila Hangga’t tuloy-tuloy na naman ang ulan sa bahay nila Kaya’t naluha na naman si Ronda “Wag kang mag-alala,” bulong ni Ate Tanya “Isip tayo ng ibang magagawa.” At yinakap niya si Ronda Habang kumikidlat sa labas ng bahay nila “Alam ko na!” sigaw ni Ate Tanya “Maglinis tayong dalawa!” Napakunot ng noo ang kapatid niya “Ang train set mo, Ronda!” “Hindi ko kaya mag-isa, Ate Tanya” “Kaya’t tutulungan kita!” At dali-dali ang dalawa Na pumunta sa kuwarto nila Iba’t ibang kulog ang madarama Pero saya lang ang nasa puso ni Ronda Malalaro na niya ang train set niya Buti na lang may Ate Tanya siya Papatila na ang ulan nang matapos sila “Salamat po, Ate Tanya” Masayang sigaw ni Ronda Ngumiti naman si Ate Tanya, “Sige, halika na!” Maglalaro na sana sila Nang tawagin sila ni Papa “Tama na muna yan, kain na!” Sigaw ni Papa mula sa kusina Masayang inubos ni Ronda ang pagkain niya Pagtapos nito, sa pagtulog ay naghanda na siya At dahil Sabado pa lang pala Bukas makakapaglaro pa rin siya Nakahiga na si Ronda sa kaniyang kama Nag-aayos na ng unan at kumot niya Ipipikit na niya ang kaniyang mga mata Nang tanungin siya ni Ate Tanya “Anong lalaruin natin bukas, Ronda?” “Hmmm, sana puwede nang piko!” Sagot ni Ronda “Pano kung umulan?” Tanong ni Ate Tanya “Bangkang papel!” Sagot niya “Pano kung malakas ang hangin?” Tanong ng ate niya “Saranggola!” Sagot ni Ronda Ipinikit na ni Ronda ang mga mata Nang mayron siyang maalala Hindi sila nakapagpiko ng ate niya Pero paggawa ng bangkang papel ay natutunan niya Marunong na siyang gumawa ng saranggola At malinis na rin ang train set sa kuwarto nila Tumayo’t lumapit sa ate si Ronda “Ate, salamat sa paglinis ng train set ko ha?” “At sa pagturo kung pano gumawa ng saranggola” “At bangkang papel din pala!” “Syempre, malakas ka sa’kin, Ronda!” Yinakap ni Ronda si Ate Tanya At sinabi sa kaniya “Pero ngayon, tulugan na!” At pinatay ni Ronda ang ilaw nila rondevera | 15JAN2011
